Redon XhiXha u largua nga skuadra e Tiranë, ndërsaa bëri një hap të rëndësishëm në karrierën e tij, ndërsa kompletoi kalimin e tij në Azerbajxhan te skuadra e Qarabag. Pikërisht te kjo e fundit ka luajtur në të kaluarën ish-kapiteni i kombëtares shqiptare, Ansi Agolli.
Ish-mbrojtësi i kombëtares ka dhënë një intervistë për “Sportal.az”, ku ka folur për kalimin e sulmuesit kurbinas në kampionatin azer. 40-vjeçari ka dhe një këshillë për 24-vjeçarin në eksperiecën e tij të re.
“Kam parë që Redon Xhixha është një lojtarë shumë i mirë dhe ka cilësi. Te Tirana ka bërë mjaft mirë. Redoni do e ndihmojë patjetër Qarabag duke shënuar gola vendimtarë. Unë i uroj shumë seksese dhe sa më shumë të zgjasë aventura e tij në Azerbajxhan.
Xhixha ka luajtur vërtet shumë mirë në kampionatin shqiptarë, por kjo nuk do t’i mjaftojë, pasi ai duhet të punojë shuëm me veten dhe të jetë sa më shumë i motivuar. Unë kam dhe një këshillë për Redonin, që të dëgjojë me kujdes trajnerin, Gurban Gurbanov, sepse ka bërë gjëra mjaft të mira që kur mori drejtimin e skuadrës.
Ata janë një klub i suksesshëm për të ardhmen e Redonit. Besoj se karriera e Xhixhës te Qarabag do të jetë e suksesshme. I uroj sa më shumë fat djaloshit”, kanë qenë fjalët e Agollit për Xhixhën.
Lexo gjithashtu
