Katar 2022
Andi Lila do të largohet këtë sezon nga PAS Janina, ndërsa ofertat për të nuk kanë munguar nga Azerbajxhani.
Por, mbrojtësi i Kombëtares mund të jetë ‘goditja’ e madhe e Kukësit në merkaton e verës.
Bëhet fjalë për një afrim të lojtarit kavajas te verilindorët, nëse skuadra e drejtuar nga trajneri Ernest Gjoka do të fitonte titullin kampion dhe do të merrte pjesë në fazën eliminatore të Champions League.
Duke ditur rëndësinë e këtij kompeticioni dhe të ardhurat që klubi i Kukësit do të arkëtonte në rast se do të kalonte disa ture, presidenti Safet Gjici nuk do të kursehej të paguante rrogën e Andi Lilës.
Tashmë, titulli kampion në Kukës shihet si detyrim, ndërsa merkatoja ka nisur që tani.
