Trajneri i Real Madrid, Carlo Ancelotti foli në konferencën për shtyp përpara sfidës me Celta Vigo në La Liga. Tekniku madrilen shprehu pakënaqësi për kalendarin e ngjeshur. Tani afrohet fundi i sezonit dhe Reali luan në të gjitha frontet.
Megjithëse në La Liga janë larg vendit të parë që mbahet nga Barcelona, në Copa Del Rey luajnë në finale me Osasunën. Ndërsa në Champions kanë dy ndeshje të zjarrta gjysmëfinale me Manchester City.
“Objektivisht, kalendari nuk ka kuptim”, shprehet italiani. “Është shumë i ngjeshur, me shumë ndeshje. Duhet të shikojmë shëndetin e lojtarëve.
Ata janë pjesa më e rëndësishme e futbollit, por çdokush mendon vetëm për vete: liga mendon vetëm për vete, federata mendon vetëm për vete, FIFA mendon vetëm për vete, UEFA mendon vetëm për vete. Nuk është mirë për futbollin. Nuk është e drejtë. Diçka duhet të ndryshojë. Shumë ndeshje.
Manchester City? Ata janë një ekip që ka ndryshuar pak, por janë shumë të fortë, si gjithmonë.
Një sulmues si Haaland shënon shumë gola. Por në këto ndeshje plani është i njëjtë, duhet të bësh më mirë se kundërshtari, kjo është e gjitha."
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
