Kampionati shqiptar është futur në sprintin final ku do të jepen verdiktet e skuadrës kampione dhe atyre që shkojnë në Kupat e Europës. Partizani është një nga pretendentët për trofeun kryesor të këtij edicioni futbollistik, megjithëse gjendet 5 pikë pas Tiranës kryesuese. Skuadra e drejtuar nga trajneri Giovani Colella ka bërë një sezon relativisht pozitiv.
Të kuqtë kanë arritur të marrin 14 fitore dhe 6 barazime, si dhe janë mposhtur në 9 ndeshje në 29 javë të Abissnet Superiore. Vlen të theksohet se kryeqytetasit duken se vuajnë në shtëpi. Nga një analizë e thjeshtë nga Newsport.al rezulton se si pritës, skuadra e Colellës ka siguruar 1.64 pikë për ndeshje.
Në 14 takime, 7 janë fituar, 2 janë ndarë në barazim, kurse në 5 takime Partizani është mposhtur. Ndërkaq në transfertë, janë luajtur 15 ndeshje me 7 të tilla të fituara, 4 barazime si dhe në 4 sfida janë mposhtur. Mesatarja e pikëve në transfertë është 1.67 ndeshje.
Nëse vijon të ketë të njëjtën ecuri, atëherë rezulton se kalendari është kundër Partizanit. Siç shihet të kuqtë janë më efektivë në transfertë. Në 7 ndeshjet e mbetura, skuadra e Colellës, 4 do t’i luajë në shtëpi, ndërsa në 3 të tilla do të udhëtojë në transfertë.
[caption id="attachment_689401" align="alignnone" width="942"]
Statistikat e ndeshjeve[/caption]
Lexo gjithashtu
