Tirana po zhvillon një sezon fantastik teksa gjendet aktualisht në vendin e parë të Superiores me 53 pikë. Edhe pse në merkaton e janarit pati largime të rëndësishme, Orges Shehi duket se ka ditur ta mbajë grupin të bashkuar për të marrë gjithmonë maksimumin. Fitorja e fundit ndaj Egnatias në “Elbasan Arena” i ka shkëputur plot 5 pikë nga vendi i dytë Partizani.
Kampionët e Shqipërisë duken mjaft të ekuilibruar në këtë edicion futbollistik. Si në ndeshjet brenda, ashtu edhe në ato jashtë, bardheblutë kanë arritur të marrin fitore të rëndësishme. Konkretisht, kryeqytetasit kanë zhvilluar 15 sfida si pritës, ku kanë “korrur” 9 fitore dhe 1 barazim duke u mposhtur në 5 të tilla. Sakaq në transfertë, Tirana ka luajtur 14 ndeshje duke marrë 7 fitore, 4 barazime dhe 3 humbje.
E thënë ndryshe, në shtëpi bardheblutë kanë siguruar 1.87 pikë për ndeshje, kurse në transfertë 1.79. Siç shihet diferenca është e vogël duke treguar në këtë mënyrë se skuadra e Orges Shehit është në ekuilibër të plotë. Ajo që vlen të theksohet është numri i golave të shënuar dhe të pësuar. Si pritëse Tirana ka shënuar 31 gola dhe ka pësuar 17. Ndërsa në transfertë ka qenë më cinike duke realizuar 14 gola dhe duke pësuar 9 të tillë.
[caption id="attachment_689168" align="alignnone" width="843"]
Analiza për këtë sezon futbollistik e Tiranës[/caption]
Lexo gjithashtu
