Juventusi u mposht mbrëmjen e djeshme nga Sassuolo e Nedim Bajramit. Kjo përballje përfundoi me shifrat 1-0. Një humbje që lë “Zonjën e Vjetër” në vendin e 7-të në kampionat, ndërsa është e dyta rresht.
Pas kësaj disfate ka folur trajneri Missimiliano Allegri, i cili e ka pranuar se skuadra e tioj luajti dobët dhe se e meritoi humbjen.
“Ne e merituam humbjen. Duhet të përmirësohemi, sot nuk bëmë mirë për 60 minuta, pastaj pas shuplakës reaguam. Ne mund t’i kishim lënë pas ekipet e Milanos, por nuk nododhi kështu. Ne duhet të rikthehemi, duke punuar për gabimet e bëra, duke u përpjekur të luajmë ndryshe. Ne luajtëm një ndeshje që nuk ishte në nivel dhe që mund të na bënte të bënim një hap përpara, por kjo nuk ndodhi. Ne duhet tëe përmirësojmë qasjen tonë ndaj ndeshjeve dhe goditjeve nga këndi.
Sot ishte një ndeshje e rëndësishme për renditjen, është një hap që duhet bërë përndryshe nuk do të jesh konkurrues. Ka ndeshje që Juventusi duhet të fitojë dhe jo të luajë bukur. Ne dolëm më mirë në pjesën e fundit, megjithatë Chiesa luajti 90 minuta të enjten dhe sonte ai nuk mundi të startonte. Pogba është ende prapa. Ka lojtarë që kanë luajtur shumë ndeshje, ne duhet të heshtim dhe të punojmë për të kaluar raundin në Europa League dhe më pas të mendojmë për Napolin”, përfundoi timonieri i bardhezinjve.
Lexo gjithashtu
