Hapësire reklamuese

Çështjet kryesore

SERIE A

Allegri i kënaqur pas fitores dhe lavdëron Di Marian: Jam i lumtur që kam një kampion të tillë

Shkruar nga NEWSPORT
Allegri i kënaqur pas fitores dhe lavdëron Di Marian: Jam i lumtur

Pas fitores së sotme të Juventus kundër Spezia, tekniku i bardhezinjve dukej shumë i kënaqur në konferencën për shtyp. Allegri analizoi lojën e ekipit të tij, duke vlerësuar Di Marian dhe duke i bërë thirrje skuadrës për përmirësim.

"Spezia? Të luash këtu është gjithmonë e vështirë. Spezia krijon, si me Napolin dhe Romën ata krijojnë sepse kanë cilësi. Mendoj se kanë një shans të shkëlqyer për të shpëtuar veten.

Paredes? Ai pati vështirësi në pjesën e parë. Ne luajtëm keq teknikisht duke bërë shumë gabime, rrezikuam shumë pak. Në pjesën e dytë bëmë më mirë, por rrezikuam të pësonim gola. Perin bëri një pritje të jashtëzakonshme. Duhet të përmirësohemi. Futja e Di Marias e ngriti nivelin.

Futja e Bonuçit në minutën e 92? I kërkova të hynte me një fitore, pasi ai nuk ka luajtur për tre muaj. Ai është i lumtur, ai është kapiten, nuk ka luajtur për tre muaj dhe duhet të  kthehet dalëngadalë.

Perin? Unë mund të vendos vetëm një në portë. Në hierarkitë e skuadrës ka një titullar dhe një rezervë, por Perin luan zakonisht rreth 20 ndeshje në sezon. Përveçse është një portier i rëndësishëm, që është rritur shumë, ai tani i përket Juventus. Jam i qetë sepse kam dy portierë të nivelit të lartë.

Di Maria? Unë kam qenë gjithmonë me fat sepse në skuadrat që kam drejtuar ka pasur plot kampion. Di Maria është një prej tyre. Fati i tij i keq është se ai është 35 vjeç, do të kisha dashur të ishte më i ri dhe të luante çdo ndeshje. Ai hyri dhe bëri gjëra të jashtëzakonshme. Futbolli është i çuditshëm, ka ndeshje që meriton t’i fitosh dhe nuk i fiton. Ka ndeshje ku nuk meriton të fitosh dhe fiton.

Vlahovic? Një qëndërsulmues që është i lumtur kur nuk shënon gola nuk ekziston. E rëndësishme është të fitosh. Ai luftoi shumë, kishte disa topa të rëndësishme dhe unë jam i lumtur", ka përfunduar intervistën Allegri.

Poll

Lexo gjithashtu

Superiore - Ndeshjet

Kategoria Superiore

Itali - Serie A

Spanjë - La Liga

Angli - Premier League

Gjermani - Bundesliga