Ky sezon duket se do të jetë i fundit për Albi Dokën në radhët e skuadrës së Tiranës. Mbrojtësi i linjës së djathtë të bardhebluve mësohet se ka arritur një akord paraprak në Kroaci me ekipin e NK Goricës. Sipas Panoramës, futbollisti kryeqytetas madje edhe ka firmosur edhe pse formalisht kjo s’mund të ndodhë për shkak se ai momentalisht është në kontratë me Tiranën.
Prej kohësh, drejtuesit i kishin kërkuar rinovimin, mirëpo një gjë e tillë s’u pranua nga lojtari që siç duket kishte gjetur destinacionin e ri para shumë kohësh. Nëse ky transferim do të realizohet realisht, atëherë më i humbur do të jetë klubi i Tiranës pasi Doka do të largohet me parametra 0. Një futbollist të cilin e promovoi dhe e ngjiti në majë, tanimë drejtuesit janë të detyruar vetëm t’i japin përshëndetjen e fundit.
Lexo gjithashtu
