Tirana luajti dje ndaj Tomorrit ndeshjen e javës së 20-të të kampionatit në Kategorinë e Parë. Kryeqytetasit arritën të marrin një fitore të pastër ndaj miqve në shtëpi duke fituar takimin me rezultatin 2-1.
Gjatë zhvillimit të takimit ka patur një moment të ëvshtirë për skuadrën e Tiranës, pasi Ilion Lika është përplasur me kundërshtarin në minutën e 75' dhe që të ky kanë qëndruar në fushë për pak minuta.
Ndërkohë që lojtari i Tomorrit vazhdoi sërish lojën, Lika është ndërruar vetëm 2 minuta më vonë, në të 77-tën nga Alesio Abibi. Kontrolli paraprak konfirmoi se bëhej fjalë për një traumë, ndërkohë që pritet të zhillohet dhe një rezonancë për të kuptuar më mirë gjendjen e lojtarit.
Stafi mjekësor i Tiranës ka konfirmuar se bëhet fjalë për një dëmtim që nuk besohet të penalizojë likën për javën e ardhshme, gjithsesi përgjigja e fundit do të jepet në momentin që do kryhet dhe rezonanca.
Lexo gjithashtu
