Ka folur para ndeshjes vendimtare Rumani-Shqipëri edhe legjenda e futbollit rumun, George Haxhi, i cili ka pasur kritika të ashpra për përfaqësuesen e tij, veçanërisht për sulmin. “Jemi ende të paaftë në sulm. Kemi një ndjenjë inferioriteti dhe lojtarët nuk kanë personalitet”, - ka theksuar mes të tjerash ish-futbollisti i njohur rumun, i njohur me nofkën “Maradona i Karpateve”. Rumania ka një pikë në grupin A, pas barazimit me Zvicrën, por sot do të luajë vetëm për fitore, pasi barazimi nuk bën punë. Edhe në kampin rumun, ashtu si në atë kuqezi, e konsiderojnë 90-minutëshin e sotëm në Lion “për jetë a vdekje”. Shqipëria ka sot shansin të regjistrojë pikën e parë në një Europian, pse jo dhe të kualifikohet, nëse fiton bindshëm. Situata në kampin kundërshtar nuk është aspak e mirë dhe kjo duket nga akuzat që vijnë për skuadrën, por kaq nuk mjafton për fitoren.
Lexo gjithashtu
