Mëngjes i frikshëm i së dielës për Ciro Immobile. Sulmuesi i Lazios , teksa ngiste makinën e tij, u përplas me një tramvaj në “zemër” të Romës. Futbollisti i “Biancocelestes” doli nga Land Rover fatmirësisht mirë, por që ndjente paksa dhimbje në krah.
Sipas mediave italiane një tramvaj po kalonte Ponte Matteotti, që lidh lagjen Flaminio me atë të Pratit, pak kilometra larg stadiumit Olimpik. Tramvaji kaloi me semafor të kuq dhe u përplas me makinën e futbollistit duke e shkatërruar atë.
“Jam mirë, por kam pak dhimbje në krah, tramvaji kaloi në dritë të kuqe”, ka theksuar shkurtimisht kapiteni i Lazios, i cili në makinë kishte gjithashtu edhe vajzat e tij, të cilat janë dërguar menjëherë në spital për të bërë edhe kontrollet e detajuara.
Poll
Lexo gjithashtu
