Aksidenti i tmerrshëm i Aldo Teqes që u rrëzua nga kati i shtatë i pallatit ka sjellë reagim në gjithë vendin. Sot, të pranishëm në Spitalin e Traumës ishin drejtori i përgjithshëm Olsi Rama së bashku me pjesëtarë të tjerë të klubit të Partizanit.
Për herë të parë, kreu i të kuqve ka reaguar për aksidentin e portierit, përmes një postimi në rrjetet sociale. Ai falënderon të gjithë ata që i janë gjendur pranë 24-vjeçarit në këtë moment të vështirë të jetës së tij.
“Me Aldo Teqen dhe stafin teknik. Shumë të lumtur që po rekuperohet në kohë rekord.
Faleminderit nga ana ime dhe e klubit të gjithë lojtarëve dhe tifozëve të Partizanit që ju gjendën pranë Aldos dhe familjes në këto ditë të vështira.
Një falenderim të veçantë për futbollistët e ekipeve të tjera, shokëve dhe miqëve të tij, si Vangjeli, Osmani, Muzaka, Doka, Bakaj, Lulaj, Çema, etj., që erdhën direkt nga stadiumet në spital.
Falenderime të sinqerta dhe klubeve të Tiranës, Skënderbeut, Flamurtarit dhe Vllaznisë që shprehën menjëherë mbështetjen e tyre, si dhe FSHF që ishte e pranishme me stafin saj direkt pas ngjarjes dhe ofroji dhe asistencë për kurë të mëtejshme mjekësore në rast nevoje.
Nuk mund të mos falenderoj mjekët, drejtorin dhe stafin e spitalit të traumës në Tiranë për punën e bërë dhe përkushtimin e treguar ndaj Aldos.
Këto gjeste fisnike nga komuniteti sportiv janë shprehja më e mirë dhe më e bukur e asaj që është shumë e thjeshtë të thuhet, por shumë e bukur kur realizohet #sporti_bashkon”, shkruan Olsi Rama.
Kujtojmë që 24-vjeçari u aksidentua duke rënë nga kati i shtatë i pallatit. Tashmë gjithçka ka kaluar dhe ai po rikuperohet në kohë rekord.
Loading ...
