Abissnet Superiore do të zhvillojë ditën e sotme dy takimet e javës së 20-të të saj, ku në fushë do të zbresin skuadrat e kryeqytetit. Të dyja sfidat do të zhvillohen në dy orare të ndryshme.
Gjithçka do të nisë me duelin mes Egnatias dhe Tiranës që do të luhet në “Egnatia Arena” duke nisur që nga ora 13:00. Rrogozhinasit nuk e njohin fitoren prej 4 javësh dhe sot ndaj kampionëve kanë detyrim 3 pikët. Gjithashtu edhe bardheblutë kërkojnë të reagojnë për humbjen në Kukës për të mos rrezikuar vendin e parë në klasifikim.
Në fushë do të zbresë edhe skuadra tjetër e kryeqytetit. Partizani pret në stadiumin e vet Laçin, ora 19:00. Një duel që premton të jetë shumë i luftuar. Demat kanë harruar shijen e fitores në javët e fundit dhe ndaj kurbinasve Colella kërkon 3 pikët për të mos vazhduar me “dramat”. Ndërkohë nga ana tjetër djemtë e Gentian Mezanit duan vazhdimësinë e fitoreve në kampionët, për t’u afruar me vendet e para.
