Afrim Taku ka qenë një nga ish-lojtarët e Kategorisë Superligës. Në të kaluarën ka qenë pjesë e Tiranës dhe Skënderbeut para se të shkonte në Amerikë.
Në një pronocim për “Fan Zone”, Taku foli për sezonin në shtetin amerikan dhe për Superligën këtë sezon.
“Këtej situata është e pranueshme, këtu ku jetoj unë është i mbyllur qyteti deri në 18 maj. Nuk e di se çfarë do të ndodhë pas kësaj dite”.
Karriera? “Sezoni e fillova Charlote dhe nuk arritëm Play Of dhe Tampa Bay më kërkoi prapë në skuadër dhe u gjetë një marrëveshje mes klubeve. U mundëm nga skuadra që fitoi e ky ishte pak a shumë sezoni ime vjet.
Europa është më lart në futboll se këtu, por po rritet niveli edhe në Amerikë. Shqipëria është pak më lartë, por këtu kushtet janë më të mira”.
Rikthim te Tirana dhe ofertë nga Partizani? “Për momentin ndihem mirë këtu, por nuk i dihet asnjëherë. Tirana është skuadra ku jam rritur dhe i kam ndjekur këtë sezon. Shpresoj e besoj se këtë vit do ta fitojnë kampionatin. Partizani është shumë herë më dobët, e kur isha unë pjesë e Superligës ata ishin më të fortë”.
Çfarë të mungon nga Shqipëria? “Më mungon familja edhe pse flasim çdo ditë. Më mungon të luaj në stadiumin e ri “Air Albania”.
Trajneri më i mirë? “Kam pasur shumë pasi Tirana ta jepte këtë luks. Unë do të thoja për atë që më dha mundësi të luaja për gjithë sezonin, Julian Rubio Sanchez dhe shqiptar Ilir Daja”.
Lexo gjithashtu
