Alban Bushi është trajner I Kombëtares U-21, por gjithashtu drejton edhe një akademi futbolli. Në një lidhje me “Fan Zone”, ai u shpreh Shqipëria ka një të ardhme të ndritur në futboll e shumë shpejt do të luftojë për fitore ndaj ekieve të mëdha në Europë. Gjithashtu Bushi foli se për momentin nuk e mendon një kalim te Kombëtarja A si trajner pasi ndihet shumë mirë te U-21.
“Po bëjmë një parapërgatitje, për rifillimin e kampionatit. Nuk po stërvitemi thjesht po bëhemi gati. Për situatën ku ndodhemi nuk është vetëm çështja e Shqipërisë. Avash-avash duhet të rinisim stërvitjen me akademitë dhe klubet e kampionatit shqiptar. Ishte një situatë shumë e vështirë, pasi stërvitja në shtëpi nuk ishte e mjaftueshme. Tani duhet një punë e madhe nga trajnerët. Lojtarët do vijnë të uritur për stërvitje dhe mund të dëmtohen, duhen stërvitje graduale.
Te Apolonia ka shumë lojtarë të mirë e ne kemi marrë në Kombëtare U-21 disa lojtarë. Po ndjekim me kujdes të gjithë lojtarët.
Ne kemi marrë disa lojtarë nga ata te Shpresat, fakti që janë në Kategorinë e Parë nuk duhet të na bëjë që të mos i shikojmë ata. Kemi parë shumë lojtarë nga Superiorja ose Kategoria e Parë. Aq shumë talente sa shikojmë ne nuk mendoj se na shpëton ndonjë, thjesht bëjmë zgjedhjet tona.
Kalimi te Kombëtarja A? “Ndihem shumë mirë te Kombëtarja U-21 dhe dua ende të marë eksperiencë më shumë. Dua t’I shërbejë në maksimum ekipit tim dhe nuk e kam menduar që të jem pjesë e Kombëtares së madhe.
Futbolli është nga ato sporte që luhet në ambiente të mëdha dhe nuk ka shumë rrezik nga virusi. Më shumë rrezik ka të infektohesh në rrugët e mbushura. E shpresoj të fillojë sa më shpejt futbolli. Ndihem shumë mirë te U-21 dhe kemi shumë lojtarë cilësor që po kalojnë të ekipi A. Në të ardhmen Shqipëria do të luftojë për të fituar edhe nga ekipe të mëdha në Europë”.
