Emir Lenjani si gjithmonë luajti mirë dhe dha shpirtin në fushën e lojës. Por në disa raste ndoshta e tepron me mbajtjen e topit, por padiskutim është i rëndësishëm për ne. Lenjani ka folur për Telegrafi duke treguar emocionet dhe ka folur për një “detyrim” për gjithë shqiptarët.
“Është një arritje e madhe që jemi këtu, mirëpo edhe pse e filluam me humbje nuk do të dorëzohemi. Kemi dy ndeshje para nesh dhe besoj fuqishëm që do të kemi edhe të tjera. Jam i lumtur që jam pjesë e kësaj Shqipërie dhe do t’i bëjmë të lumtur të gjithë shqiptarët anë e mbanë botës”, – shprehet Lenjani.
