Ndeshja e djeshme mes Kastriotit dhe Teutës ishte mjaft e veçantë për durrsakët. Presidenti Edmond Hasanbelliu arriti dje në kuotën e 999 ndeshjeve nën drejtimin e klubit të Teutës. Ai ishte dje në tribunën e stadiumit të Kamzës duke ndjekur ekipin e tij. Teuta nuk arriti të shkonte më shumë se një barazim 0-0 përballë krutanëve.
Presidenti Hasanbelliu është më jetëgjati në futbollin shqiptar, pasi ka që nga viti 1999 që drejton Teutën. Askush si ai nuk ka arritur kaq shumë ndeshje si president klubi. Takimin e rradhës Teuta do ta zhvillojë në Kupën e Shqipërisë përballë Kukësit dhe Hasanbelliu do të festojë ndeshjen e 1000-të. Për këtë do të ketë edhe një ceremoni simbolike në nderim të tij.
Poll
Lexo gjithashtu
