Arbin Zejnullai është një nga lojtarët që ka spikatur në këtë sezon futbollistik te Egnatia. 24-vjeçari ka lënë gjurmë pozitive në fushë. Por, në të njëjtën kohë është një nga futbollistët që është penalizuar më së shumti në radhën e rrogozhinasve.
Ai ishte skualifikuar dy herë pasi kishte plotësuar numrin e kartonëve të verdhë, duke marrë 8 në total. Ndërsa së fundmi, u ndëshkua me karton të kuq në ndeshjen me Laçin. Në këtë mënyrë nuk do të jetë i gatshëm për përballjen e radhës të Egnatias kundër Vllaznisë.
Bën habi për vetë natyrën e lojtarit, i cili nuk shquhet për ndërhyrjet e rënda apo lojën agresive. Megjithatë faktet nuk zhbëhen dhe në këtë sezon, Egnatias i është dashur të bëjë pa shërbimet e tij plot 3 herë.
Poll
Lexo gjithashtu
