Jo vetëm Goce Sedlovski. Nga Vllaznia pritet të largohet edhe lojtarë të tjerë. Sipas “Shkodra Sport” bëhet e ditur se sulmuesi brazilian, Kaina pritet të ndjekë të njëjtën rrugë si timoneri maqedonas.
26-vjeçari nuk ka mundur të bindë drejtuesit dhe në këto kushte nuk do t’i vazhdohet kontrata. Braziliani ia ka dalë në që 43 ndeshje më fanelën e kuqebluve të shënojë 7 gola dhe të dhurojë 3 asiste. 4 janë shënuar në kampionat dhe 3 të tjerë në Kupën e Shqipërisë.
Po sipas të njëjtit burim bëhet e ditur se Kaina do të transferohet në kryeqytet, ku Tirana duket shumë afër tij.
Për 26-vjeçarin, kryeqytetasit do jenë skuadra e katërt ku ai do aktivizohet në Shqipëri. Ku më parë ka luajtur me Besën në Kategorinë e Parë, Vllazninë dhe Kastriotin në Superiore.
