Ernest Muçi ishte një nga lojtarët e përfolur sot në shtypin e shkruar sa i përket një largimi të mundshëm në këtë merkato dimri për shifrën e 500 mijë eurove. Sulmuesi i talentuar i Tiranës vijon të stërvitet intensivisht me ekipin duke anashkaluar plotësisht atë që shkruhet në medie të ndryshme.
Për këtë Newsport.al kontaktoi menaxherin e futbollistit, Shkumbin Qorrmemeti. Ky i fundit mohoi kategorikisht se ka një ofertë nga klubi i Gent për futbollistin bardheblu. Shkurtimisht agjenti i njohur shqiptar u shpreh: “Jo, s’është e vërtetë, janë thashetheme koti”, duke lënë të nënkuptohet se gjithçka është një tymnajë mediatike.
Kujtojmë që në këtë sezon 19-vjeçari është pjesë e rëndësishme e ekipit bardheblu. Ai është pjesë e projektit të skuadrës dhe në fazën e ofensive është pikë referimi për skuadrën. Talenti kryeqytetas është aktivizuar në 13 ndeshje duke arritur të realizojë 4 gola.
Loading ...
