Beteja e Britanisë”, kështu është cilësuar nga mediat kombëtare britanike sfida mes Anglisë dhe Uellsit, që do të zhvillohet sot.Një sfidë që ka shtuar tensionet në prag të saj jo vetëm për ato që mund të ndodhin në rrugët e Lensit, apo ato pranë Lilles. Shqetësimet mbi sigurinë dhe frika për përplasje të tjera të dhunshme mes tifozëve kanë dominuar përgatitjet e një prej ndeshjeve më të shumëpritura të fazës me grupe, e megjithatë ka edhe më keq. Duket se për këtë kanë menduar edhe vetë protagonistët e fushës .Gareth Bale ka nisur që prej fundjavës së kaluar ta quajë Anglinë “armike”, duke thënë madje se ekipi i tij “ndien më shumë pasion e krenari për të qenit britanik, sesa ata”. “Ata e quajnë veten në epërsi ndaj nesh, por pa bërë gjë ende për ta treguar këtë”, tha Bale.
Trajneri i Anglisë, Roy Hodgson i përshkroi komentet e yllit të Realit të Madridit si “të pasjellshme”, ndërsa mesfushori i “3 luanëve”, Jack Wilshere shkoi edhe më tej duke iu kthyer me të njëjtën monedhë.
“E dimë që Uellsi nuk na pëlqen aspak, – tha lojtari i Arsenalit. – Por a i pëlqejmë ne ata? S’besoj!”.
Bale doli sërish para medieve të martën duke thënë se Anglia bën shumë mirë që kapet pas deklaratave të tij.
“Nuk po bëjmë lojëra fjalësh, – tha Bale. – Asgjë nuk na shqetëson momentalisht dhe nuk ndiejmë ndonjë presion”.
Anglia, historikisht ka konsideruar Gjermaninë dhe Argjentinën si rivalët më të mëdhenj në arenën botërore të futbollit, për shkak edhe të historisë dhe përballjeve të dyluftuara mes tyre nëpër kompeticione të rëndësishme. Ndërkohë që për Uellsin ka vetëm një “armik të betuar”, dhe ky është Anglia.
“Ata mezi presin të luajnë kundër Anglisë, por kjo vetëm sa na bën neve më të uritur për të fituar. Sigurisht që është një ndeshje e madhe, nuk ka nevojë të na e thotë ndonjëri”, tha dje Adem Llallana mesfushori i Anglisë.
Lallana nuk ra dakord me ata që thonë se kjo ndeshje ka më shumë vlerë për Uellsin, sesa për Anglinë. “E dimë që duhet të përgatitemi njësoj edhe për të. Nuk kemi nevojë për ndonjë faktor ekstra motivues, jemi të vetëmotivuar përpara kësaj sfide. Kemi mjaftueshëm lojtarë të mëdhenj në kombëtaren tonë, të cilët dinë sesi të përballen me presionin. Ndaj kemi mësuar sesi të japim më të mirën edhe në të tilla situata”, u shpreh për mediat mesfushori i Liverpulit.
Lexo gjithashtu
