UEFA i bën një analizë të hollësishme ndeshjes mes Francës dhe Shqipërisë, duke nxjerrë 5 detajet më të rëndësishme që ndikuan në fitoren e “gjelave”, ku minutat e fundit i quan “koha Deshamp”. Ja cilat janë këto detaje:
1.Besimi deri në limit. Tashmë minutat e fundit të ndeshjeve të Francës duhen quajtur “koha Deshamp”. Ashtu si me Rumaninë, francezët treguan forcën e karakterit për të shkuar te fitorja deri në momentet e fundit, duke shfaqur qetësi të admirueshme, kur tensioni dhe presioni mund ta kishte çuar situatën për keq. Kjo është një karakteristikë mjaft pozitive, që e ndihmon shumë Francën, pasi beson deri në vdekje.
2.Sistemi i lojës dhe zëvendësimet. Franca dukej shumë më komode në pjesën e dytë të ndeshjes me Shqipërinë, kur ndërroi sitemin e lojës nga 4-2-3-1 në 4-3-3. Skema e fundit është ajo që trajneri Deshamp ka përdorur më shumë që kur drejton Francën. Koman dhe Martial duket se janë më të nevojshëm për minutat e fundit të ndeshjeve.
Pajet dhe Kante, lojtarët barometër
3.Dashuri e ashpër. Sa trajnerë mund të guxojnë të lënë lojtarët e tyre më të mirë në stol? Trajneri Deshamp ka lënë në stol Pogbanë dhe Greizmanin, por ky është një vendim i përkohshëm. Vlerat e tyre e ndihmuan skuadrën të fitonte me Shqipërinë. Greizman duket më i rëndësishëm, kur luan nga stoli. Ai ka shënuar 6 gola në 10 ndeshje, kur e ka nisur nga stoli.
4.Rregullat e Rami. Mbrojtësi i Seviljes është një histori suksesi. Duke mos qenë me Francën që nga viti 2013, fituesi i Ligës së Europës, e shfaqi zemërimin e tij hapur publikisht, pasi nuk ishte në listën fillestare. Por Deshamp e thirri si zëvendësues të Varane, që u dëmtua. Dhe Rami ka qenë një nga pikat më të forta të Francës në mbrojtje, madje ka ndihmuar edhe Greizmanin të shënonte.
5.Velodrom nuk harron. Deshamp ka qenë një lojtar i suksesshëm në Marsejë dhe stadium i ka rezervuar një pritje të veçantë. Po ashtu, edhe Pajet dhe Zhinjak kanë pasur një histori suksesi në Marsejë, duke qenë idhuj në stadiumin “Velodrome”. Ata kanë jetuar me të njëjtën brohoritje dhe kjo ishte e përshtatshme për ta. Franca është kualifikuar për në fazën e 1/8 pas 2 fitoreve radhazi.
