400 mijë euro për Alban Hoxhën nga Seria A

Ekipi i Kievos në Serinë A ka ofruar plot 400 mijë euro për Partizanin në mënyrë që të sigurojë shërbimet e portierit Alban Hoxha, sipas një raportimi të Top Channel.

Paraqitja e mrekullueshme e Hoxhës në Hungari përballë Ferencvarosh ka rënë në sy të drejtuesve të klubit italian, të cilët janë hedhur menjëherë në sulm duke joshur Partizanin me shumën që flitet se ka vendosur si çmim për Alban Hoxhën.

Tani i takon Partizanit të vendosë, por të kuqtë pritet të mos e shesin portierin pa përfunduar aventura europiane duke qënë se ai është një nga pikat kyçe të skuadrës.