Kategoria e Parë ditën e enjte mbylli sezonin e saj, ku Dinamo dhe Skënderbeu kanë siguruar ngjitjen në Superiore për sezonin e ardhshëm. Korçarët gjithashtu janë shpallur edhe kampionë në këtë kategori.
Por kjo s’do të thotë se janë mbyllur të gjitha verdiktet në Kategorinë e parë, pasi me interes priten edhe ndeshjet e “play-off” dhe “play-out”. 4 skuadra janë në garë për të siguruar një biletë për të sfiduar më pas edhe ekipin e vendit të 8-të në Abissnet Superiore.
Flamurtari, Tomori, Korabi dhe Apolonia do të bëjnë mes tyre edhe llogaritë për ngjitjen në Superiore sezonin e ardhshëm. Skuadra e Diego Longos që është renditur e 3-ta në tabelën e klasifikimit do të sfidojë Apoloninë e vendit të 6-të. Jo përballje mes tyre do të luhet në stadiumin “Flamurtari”.
Gjithashtu Tomori do të presë në stadiumin e tij ekipin e Korabit. Të dyja këto skifa do të luhen ditën e martë, më 23 maj duke nisur që nga ora 16:00. Dy sfida që priten me mjaft interes, ndërsa theksojmë se janë takime teke.
SFIDAT E “PLAY-OFF”:
23 maj ora 16:00
FLAMURTARI – APOLONIA
TOMORI – KORABI
Lexo gjithashtu
