Shqipëria do të luajë në datën 7 shtator ndeshjen e radhës të vlefshme për kualifikueset “EURO 2024”. Kuqezinjtë tanë do të udhëtojnë në transfertën e vështirë të Çekisë, ku do të përballen në Pragë me kombëtaren çeke.
Në një njoftim të bërë në kanalet zyrtare të komunikimit, Federata Shqiptare e Futbollit ka lajmëruar se kanë dalë në shitje biletat për këtë takim. Ato mund të gjenden në websiten zyrtar të FSHF-së dhe kushtojnë 30 mijë lekë të vjetër.
Për këdo që është i interesuar për të ndjekur në Çeki nga afër përfaqësuesen tonë mund të bëjë të veten biletën për çmimin e mësipërm. Ndeshja Çeki – Shqipëri është programuar të luhet në datën 7 shtator, ora 20:45 në stadiumin “Fortuna Arena” në Pragë.
Kujtojmë që kombëtarja jonë gjendet në vendin e dytë me 6 pikë në Grupin E, 1 më pak se Çekia kryesuese. Shanset për një kualifikim të mundshëm në Gjermani janë të mëdha. Ndaj kushdo që ka dëshirë duhet të nxitojë për të blerë biletën për në Pragë.
Lexo gjithashtu
