Ernest Muçi mund të largohet nga Polonia për t’u transferuar te Celta Vigo në La Liga. Sulmuesi i kombëtares shqiptare është pranë hapit të madh në karrierë.
Me Legian e Varshavës, 21-vjeçari ka shkëlqyer dhe për të ardhmen e tij ka folur Kosta Runjaiç. Në konferencën e zakonshme për gazetarët, trajneri gjerman ka thënë:
“Ernest Muçi është një lojtar shumë i ri dhe interesant. Mund të bëni shaka se nëse e shesim për 25 milionë euro dhe marrim 22 milionë për Pauell Vuzolek, mund të sjellim katër lojtarë në skuadër. Në çështje të tilla, është më mirë të kontaktoni Jazek Zielinskin, (duke iu referuar drejtorit sportiv të ekipit që merret me merkaton).
Transferimet janë pjesë e biznesit, por duhet të kujtojmë se ne jemi Legia e Varshavës, synimi ynë është të forcojmë ekipin, jo ta dobësojmë atë. Do të shohim se si do të shkojë në fund të afatit kalimtar të kësaj merkatoje”, tha Kosta Runjaiç në konferencën për shtyp.
Lexo gjithashtu
