Sebino Plaku do të përfitojë 200 mijë euro dëmshpërblim nga skuadra e Slaskut në Poloni. Sulmuesi i Skënderbeut e kishtë çuar çështjen me këtë ekip në Dhomën e Zgjidhjes së Konflikteve pranë federatës polake.
Së fundmi mediat polake bëjnë me dije që ky organ i ka dhënë të drejtë sulmuesit shqiptar, pasi kontrata është prishur në mënyrë të njëanshme nga klubi i Slaskut. Këto ditë ai nuk ka qenë i pranishmë në stërvitje me kampionët, pasi ka qenë i detyruar të udhëtojë drejt Polonisë për t’u njohur me vendimin.
Ndërkohë Federata e Futbollit të Polonisë ka ndëshkuar klubin e Slask Vroklav me një gjobë prej 150 mijë eurosh për mosrespektimin e kontratës, por gjithashtu edhe për prishjen e karrierës së 31-vjeçarit.
Loading ...
