16 Mijë shqiptarë për ndeshjen me Francën

Ashtu si dhe ndaj Zvicrës, mijëra shqiptarë do të ndjekin ndeshjen e kombëtares sonë në “Velodrom” të Marsejës, përballë të zotëve të shtëpisë. Megjithëse, francezët si të ‘zotët e shtëpisë’, do të kenë dukshëm numër më të madh të tifozëve, megjithatë kuqezinjtë tanë nuk do të ndihen të vetmuar. Kjo, pasi së paku 16 mijë tifozë shqiptarë pritet të jenë në stadiumin ‘Velodrome’ të Marsejës. Federata Shqiptare e Futbollit ka konfirmuar se janë shitur 16 mijë bileta për tifozët shqiptarë për këtë ndeshje, ndërkohë që një numër i madh i shqiptarëve kanë blerë edhe jashtë sektorit të paraparë për tifozët kuqezi.