Valon Berhami lojtari me orgjinë shqiptare që luan me Zvicrën është i pavendosur për të ardhmen e tij në Kombëtare. Pas eleminimit të Zvicrës nga Europiani në ndeshjen me Poloninë, qarkulluan zëra se ky do të ishte edhe fundi i aktivizimit me Kombëtaren për Berhamin. Vetë lojtari në një intervistë të dhënë për mediat italiane është shprehur i pavendosur në lidhje me këtë vendim.
Berhami është vetëm 31 vjeç dhe numëron gjithsej 63 takime me ekipin e Zvicrës mirëpo kondicioni fizik i tij dhe impenjimi në kampionatin anglez me ekipin e Watford, mund ta detyrojnë futbollistin të sakrifikojë aktivizimin e tij me Kombëtaren.
”Vladimir Petkovic e di që unë kam nevoje për pak kohë që të marr vendimin. Është e vështirë për mua në aspektin fizik, pasi luaj në një nga kampionatet më të luftuar dhe më të gjatë. Nëse gjithçka do të varej nga unë, do të vendosesha që tani nën urdhërat e teknikut, por akoma mbetem i pavendosur”, është shprehur Berhami.
Ai foli dhe për humbjen e Zvicrës, duke pranuar gabimet në repartin e mbrojtjes. Humbja duket se ka mërzitur shumë lojtarin, saqë po e bën më të vështirë vendimin për të qëndruar.
