Përjashtimi i Skënderbeut këtë sezon nga kompeticionet Europiane i dha një ndihmesë të madhe Partizanit jo vetëm për imazhin, por edhe për vitin e ardhshëm. Ndoshta, kjo mund të konsiderohet vera e Partizanit.
Të kuqtë në rastin më të keq përfitojnë 1 milionë euro nga pjesëmarrja në Europë, të cilat nuk janë pak për një klub shqiptar që gjatë një sezoni mund të shfrytëzojë diçka më shumë se gjysma e tyre. Pra, këto para e ndihmojnë Partizanin për të bërë super merkato për sezonin e ri për të ndërtuar super skuadër për të synuar seriozisht titullin kampion.
Normalisht, buxheti i shëndoshë i jep hapësirë të kuqve që të operojnë siç duan vet në merkato për të afruar lojtarë që kanë cilësi dhe që japin siguri për të kërkuar titullin kampion. Deri më sot, Partizani ka futur në xhepat e tij 700 mijë euro nga UEFA dhe afro 100 mijë euro nga shitja e të drejtës televizive.
https://www.youtube.com/watch?v=ugfepjQXalk
Të kuqtë në rast se skualifikohen nga Champions League përfitojnë 220 mijë euro, pasi do të marrin pjesë në "play-off"-in e Europa League, që do të thotë se plot 1 milionë euro shkojnë në llogarinë e tyre për dy muaj aktivitet. Çka tregon se drejtuesit e klubit të kuq duhet të bëjnë mirë llogaritë për sezonin e ri, pasi financat janë të shëndosha dhe nuk mungojnë që ata të frustrohen për të bërë blerje me peshë.
Lexo gjithashtu
