Apolonia ka nisur nga puna për të ndërtuar skuadrën e re të sezonit që vjen. Fierakët fillimisht zyrtarizuan trajnerin e ri Yerai Rodriguez i cili do të ketë fjalën e tij edhe në merkato. Deri tani nga klubi janë larguar 3 futbollistë: mnbrojtësit Cibuike e Omeh dhe sulmuesi Mario Gjata që do të firmosë me Teutën.
Tashmë vijnë edhe dy largime të tjera dhe të dy në repartin ofensiv. Shaqir Haruni dhe Khalid Labaran nuk do të jenë më pjesë e Apolonisë. Lojtarët kishin edhe një vit kontratë por kanë mbyllur me konsensus marrëveshjen dhe tani janë lojtarë të lirë në treg.
Haruni, 24-vjeç, luan si sulmues krahu dhe erdhi në janar nga Oriku por në 16 ndeshje nuk gjeti asnjëherë rrugën e rrjetës. 19-vjeçari nigerian luajti vetëm 11 ndeshje duke mos lënë shumë përshtypje dhe tani të dy lojtarët janë në kërkim të ekipit të rradhës.
Lexo gjithashtu
