Ben Azubel largohet nga Partizani. Klubi i kuq, përmes një njoftimi në faqen zyrtare në Facebook ka zyrtarizuar ndërprerjen e kontratës me sulmuesin 23-vjeçar.
Lojtari izraelit erdhi në merkaton e verës te Partizani, por dëmtimet dhe konkurrenca me Kaleb Ekuban ia bënë të pamundur për të fituar një vend titullari.
Azubel shënoi vetëm një gol në kampionat me të kuqtë, atë ndaj Korabit dy javë më parë. Afrimi i Sukajt i ka hapur vend kësaj lëvizjeje të 23-vjeçarit drejt një tjetër skuadre, duke qenë se hapësirat për të, tashmë ngushtoheshin shumë më tepër.
