Eneo Bitri nuk është më pjesë e Partizanit. Qendërmbrojtësi i kuq ka zyrtarizuar divorcin me kryeqytetasit përmes një postimi në rrjetet sociale.
Shtatlarti falënderon drejtuesit për mundësinë e dhënë. Ai e cilëson skuadrën e Partizanit, një ndër më të mirat në vendin tonë. Nq postimin e tij në Facebook, Bitri shkruante:
“Nga sot nuk jam më pjesë e Partizanit. Ishin 3 vite fantastike, falënderoj presidentin Gaz Demi dhe drejtorin Olsi Rama që më dhanë mundësinë të jem pjesë e një ndër ekipeve më të mirë në Shqipëri.
Dua të falënderoj gjithë trajnerët, stafin dhe gjithë pjesëtarët e klubit Partizani. Falënderoj tifozët më të zjarrtë në Shqipëri për mbështetjen që më kanë dhënë”.
Në dy sezone, Bitri u aktivizua në 62 ndeshje, ku ka arritur të shënojë 5 gola.
Loading ...
