Erlis Frashëri u largua ditën e sotme nga Gjilani. Mbrojtësi i krahut të djathtë nuk ka humbur kohë dhe ka gjetur menjëherë ekip duke qendruar në Kosovë.
Frashëri ka firmosur me Drenicën, skuadër që drejtohet nga Bledar Devolli. Pas Ramadanit, Rapos dhe Gjonit, Drenica merr edhe një tjetër lojtar shqiptar që më parë ka luajtur në Kategorinë Superiore.
Njoftimi i KF Drenica.
Erlis Frashëri përforcimi i radhës i Drenicës!
Skenderaj - 8 Janar 2021
Drenica po vazhdon të sjellë lojtarë për të përforcuar radhët për pjesën e dytë të kampionatit (stinorin pranveror).
Skuadra tashmë ka siguruar shërbimet e mbrojtësit anësor shumë cilësor, Erlis Frashëri. Mbrojtësi nga Korça ka qenë pjesë e skuadrave të mëdha në Kategorinë Superiore në Shqipëri, skuadrave si: Skenderbeu (Korçë), Teuta( Durrës), Besa (Kavajë), Tomori (Berat), Partizani (Tiranë), Himara (Himarë), Luftëtari (Gjirokastër), KF Kamza (Kamëz), kurse se fundmi u aktivizua edhe në Kosovë ku ishte pjesë për dy edicione të skuadra e Gjilanit.
Frashëri, ka firmosur kontratë deri në përfundim të këtij edicioni me Drenicën më klauzolë vazhdimi edhe për një vit tjetër.
Ai gjatë stinorit pranveror do të bartë fanellën kuq e zi të Drenicës, drejt synimeve
Mbrojtësi korçar është përforcimi i gjashtë i ekipit dhe drejtuesit e klubit edhe ditëve në vazhdim do të vazhdojnë me zyrtarizimin e përforcimeve tjera.
Lexo gjithashtu
