Bedri Greca është afrimi më i fundit i Laçit. Lojtar i Gjilanit për gjashtë muajt e fundit, Greca është zyrtarizuar nga klubi kurbinas si përforcimi më i fundit i skuadrës. Lojtari ka qenë prezent në miqësoren që Laçi humbi ndaj Besëlidhjes në fushën e vet dhe nga foto duket se ish sulmuesi i Tiranës është i lumtur për zgjedhjen e re.
Bedri Greca është një njohje e vjetër e Superligës, pasi më herët ka luajtur për Kukësin, Flamurtarin dhe së fundmi me Tiranën. 29 vjeçari u aktivizua te Gjilani që drejtohet nga shqiptari Genian Mezani, duke u larguar mes polemikave nga Kosova. " Zyrtarizohet goditja e parë e merkatos së dimrit. I urojmë mirëseardhjen Bedri Grecës", shkruhet në komunikimin e Laçit.
Poll
Lexo gjithashtu
