Rustem Hoxha është futbollisti më i ri i Ballkanit.
Mbrojtësi 30-vjeçar, pasi vendosi të largohet nga Teuta ka zgjedhur të vijojë karrierën e tij në Kosovë, ku ka firmosur një kontratë dy-vjeçare.
Lajmi u bë i ditur nga klubi i Suharekës.
“Klubi i Ballkanit ka kënaqësinë të prezantojë mbrojtësin kampion, Rustem Hoxha! Mbrojtësi 30-vjeçar që u shpall kampion në Shqipëri me Teutën, ishte një nga lojtarët më të dalluar teksa nga dita e sotme, do të mbrojë ngjyrat e ekipit tonë. Rustem Hoxha ka firmosur një kontratë dy vjeçare me Ballkanin dhe është një armë e fortë që na shtohet në mbrojtje. Në Kategorinë Superiore, Hoxha ka një eksperiencë të pasur duke u aktivizuar me ekipe si Teuta, Luftëtari e Kukësi dhe duke fituar 1 Kupë Shqipërie, 1 Superkupë dhe 1 titull kampion. Klubi i Ballkanit i uron mirëseardhje mbrojtësit më të ri dhe shumë suksese me ekipin tonë. Mirësevjen kampion,” thuhet në njoftimin e klubit të Superligës kosovare.
Loading ...
