Rimal Haxhiu është lojtari më i ri i Tiranës. Lajmin e bën të ditur vetë klubi bardheblu në rrjete sociale teksa njofton publikun për nënshkrimin me anësorin 23-vjeçar. Newsport.al njoftoi ditë më parë për afrimin e Haxhiut në kryeqytet. Lojtari është prezantuar me fanellën e klubit në Kompleksin “Skënder Halili” dhe zbulon edhe numrin në fanellë. Haxhiu do të veshë 14-tën, që u la bosh pas largimit të kapitenit Ismajlgeci.
Pas aventurave me Apoloninë, Dinamon dhe Kukësin, Haxhiu do të japë kontributin e tij me fanellën e klubit më të titulluar në Shqipëri. Trajneri Shehi sheh tek ai një “xhol” teksa lojtari është i aftë të luajë në shumë role, nga krahët e mbrojtes deri në sulm.
