Elvis Plori nuk do të jetë më trajner i skuadrës së Kastriotit. Pas humbjes 2-1 kundër Kukësit, shkodrani deklaroi dorëheqjen e tij, e cila tashmë është zyrtarizuar edhe nga ana e klubit krutan.
Përmes një njoftimi në kanalin zyrtar, klubi i Kastriotit bën me dije arsyet që çuan në largimin e Elvis Plorit. Në nëntë javë të luajtura, skuadra krutane arriti të grumbullonte vetëm katër pikë.
Njoftimi i klubit të Kastriotit:
Trajneri Elvis Plori ka paraqitur dorëheqjen e parevokueshme nga drejtimi i Kastriotit, dhe prej ditës së sotme nuk është më trajner i skuadrës.
Pavarësisht punës së madhe që tekniku ka bërë që në qershor me skuadrën, rezultatet nuk ishin ato që priteshin dhe kjo është arsyeja që tekniku e pa të arsyeshme të largohej me vullnetin e tij të plotë duke i paraqitur dorëheqjen e parevokueshme presidentit Vogli.
KS Kastrioti e falenderon teknikun për kontributin e dhënë gjatë gjithë kësaj kohe në drejtimin e skuadrës, dhe i uron suksese në karrierë trajnerit Plori.
[gallery columns="1" size="full" ids="290106"]
Lexo gjithashtu
