Korabi nuk arriti të siguronte ngjitjen në elitën e futbollit shqiptar teksa u mposht nga Erzeni vetëm në ndeshjen finale të Play-Out. Dibranët mbeten në Kategorinë e Parë dhe do të tentojnë sërish këtë sezon.
Mirëpo, do të jetë e vështirë, sidomos tani që janë larguar shumë yje. Fillimisht ishte sulmuesi Albers Keko që u shit te Partizani ndërsa pas tij u larguan edhe Beshiraj, Joti, Dragoj e Tabaku. Edhe portieri Mehidri pritet të largohet pasi ka ofertë nga Vllaznia që është e gatshme të paguajë edhe kartonin.
Së fundmi, largohet edhe Franci Lala. Mbrojtësi i talentuar mbyll aventurën në Dibër dhe është në pritje të ekipit të rradhës. Ofertat për të janë të shumta me 23-vjeçarin që ndiqet nga ekipet pretendente për t’u ngjitur në Superiore.
Lexo gjithashtu
