Orges Shehi vendosi të largohej nga Tirana, për të nisur një aventurë të re me Prishtinën. Mirëpo, duket se nga Superiorja do të marrë disa elementë, madje nga kampionët e Egnatias.
Dje “Newsport.al” raportoi se klubi kryeqytetas është shumë pranë firmës me Anio Poçin. Ndërsa ditën e sotme mësohet se Prishtina i është vënë pas sulmuesit të Egnatias, Nikola Buric.
Klubi “bardheblu” i Superligës së Kosovës, i ka bërë ofertë direkte sulmuesit 29-vjeçar, raporton “Newsport.al”. Kroati shtatlartë pëlqehet shumë edhe nga trajneri Orges Shehi, duke bërë që drejtuesit e Prishtinës të “lëvizin gurët”.
Në sezonin që lamë pas, Buric mori pjesë në 40 ndeshje me Egnatian. Sulmuesi kroat ia doli që të shënonte 9 gola dhe të asistonte në një tjetër, duke marrë trajtën e protagonistit. /Nikoll RAJTA/
Lexo gjithashtu
