Olsi Uku është trajneri i ri i Dinamos. Pas shkarkimit të Miçolit dhe Morierës, klubi kryeqytetas ka zgjedhur në krye të pankinës një ish që ka kontribuar për fanelën dinamovite.
Këtë sezon, Uku ishte si zëvendës i Nevil Dedes te Tirana, por aventura e tyre zgjati vetëm disa javë te kampionët. Tashmë ai është emëruar në krye të “Nëndetëses Blu” me synimin e vetëm, rikthimin në Superiore.
“Zyrtare/ Olsi Uku është trajneri i ri i Dinamos.
Tekniku 31-vjeçar rikthehet në pankinën Blu pas një eksperience të shkurtër si zv.trajner në ekipin e Tiranës.
Uku është një njohje e vjetër e ekipit pasi ka qenë në rolin e zv.trajnerit edhe gjatë sezonit të kaluar si dhe trajner i ekipit të 21-vjeçarëve.
Trajneri i ri ka mbështetjen e plotë të presidentit Pontrelli dhe stafit blu, ndërsa shihet si zgjedhja më optimale, falë edhe njohjes së skuadrës nga afër”, shkruhej në njoftimin e klubit të Dinamos.
Loading ...
