Laçi ka siguruar shërbimet e sulmuesit të njohur Marjan Altiparmakovski që sezonin e fundit ka qenë pjesë e Sarajevos në Bosnje Herzegovinë. 27-vjeçari nga Maqedonia konsiderohet si një blerje e rëndësishme për kurbinasit që do të mbush boshllëqet e lëna në sulm nga largimi i Rexhinaldos.
Altiparmakovski ka luajtur më përpara me Rabotnickin dhe Pelister në Maqedoni, ndërkohë që ka pasur eksperiencë edhe në Greqi me Skoda Xanthi. Në të shkuarën sulmuesi ka qenë pjesë edhe e Kombëtares Shpresa të vendit të tij, por pa arritur më pas të kalojë dhe në ekipin A. Në total gjatë karrierës së tij ai ka shënuar 33 gola, ndërkohë që njihet dhe si një lojtar mjaft i fuqishëm në zonë dhe me goditje mjaft potente.
[gallery columns="1" size="full" ids="270862"]
Lexo gjithashtu
