Armando Sadiku është personazhi më i dëgjuar i momentit në Shqipëri dhe në arenën mbarëkombëtare për golin historik të shënuar në Europian kundër Rumanisë që i dha tre pikët kuqezinjve në grup, por që nuk mjaftoi që të kalonte në 1/8-at. Por, lojtari që është pjesë e Zyrihut në Zvicër kërkon që të largohet nga kjo skuadër dhe të performojë për një tjetër fanellë. Megjithatë, kontrata e mban atë të lidhur me klubin e kryeqytetit të Zvicrës.
Kjo i ka hapur jo pak punë sulmuesit 25-vjeçar, i cili dëshiron që të jetë i lirë për të firmosur në një vend që do t’i ofrojë atij më mirë. Ngërçi më i madh është Zyrihu, pasi ka rritur vlerën e kartonit të “bomberit” në kuotën e 7.5 milionë eurove. Klubi kryeqytetas do të luajë këtë sezon në Kategorinë e Dytë në Zvicër, ndërsa nuk është në nivelin që i duhet lojtarit, i cili u huazua një vit më parë te Vaduzi në Superligën zvicerane ku shkëlqeu dhe shënoi disa gola.
