Ballkani vazhdon që të jetë një nga klubet më aktive, jo vetëm në Kosovë, por nga të gjitha ekipet shqiptare. Skuadra që drejtohet nga Ilir Daja ka përforcuar tashmë ekipin me një mesfushor.
Queven da Silva Inácio është lojtari më i ri i Ballkanit. Mesfushori i cili mbylli aventurën me kryeqytetasit e Maqedonisë së Veriut, Shkupin vendosi që të nisë një aventurë të re në Kosovë me kampionët në fuqi.
Lajmin për transferimin e brazilianit 25-vjeçar e ka bërë të ditur vetë klubi i Ballkanit me anë të një postimi në faqen zyrtare ku shkruan:
“Tifozë të dashur, braziliani Queven da Silva Inácio, është futbollisti i radhës që i bashkohet kampionëve tanë. 25 vjeçari e forcon edhe më shumë mesfushën tonë, drejt ambicieve që kemi në kompeticionet në të cilat synojmë të triumfojmë.”
[caption id="attachment_721709" align="alignnone" width="673"]
Queven da Silva Inácio (djathtas)[/caption]
Lexo gjithashtu
