Është rritur te Teuta ndërsa tani kërkon të konfirmohet larg Durrësit. Portieri Arlis Shala ka firmosu për Llapin në Kosovë, duke u bërë lojtari I radhës nga Shqipëria që zgjedh të vijojë karrierën në Dardani.
20 vjeçari prej 2010 e deri në 2018 ishte pjesë e Akademisë te Teuta, ndërsa së fundmi mbrojti portën e Luftëtarit në Superligë. Shtatëlarti ka firmosur për tre vite me Llapin.
Njoftimi I klubit:
Zyrtare: Arlis Shala përforcon Llapin
Podujevë, 12 gusht 2020 - KF Llapi njofton për marrëveshjen 3 vjeçare të arritur me portierin nga Durrësi, Arlis Shala.
Portieri i gjatë 1.96 m, reprezentues i Kombëtares së Shqipërisë për grupmoshat U17, U18, U19, U20 si dhe Kombëtares "A", nga dita e sotme do vijoj të jetë pjesë e Llapit për 3 vitet e ardhshme.
Shala, 20 vjeçar i lindur më 26.07.2000 në Durrës, ka qenë pjesë e klubeve: KF Teuta (2010-2018), FC Cesena (2018), FC Besa Kavajë (2018), FC Flamurtari Vlorë (2019/20) si dhe së fundmi tek FC Luftëtari, ku për 6 muaj ishte titullar i padiskutueshëm.
Pas paraqitjeve të mira me Luftëtarin, ku si 20 vjeçar ishte titullar, Kombëtarja "A" e Shqipërisë e udhëhequr nga trajneri Edi Reja e ftoi në grumbullim tre ditor, për datat 6,7 dhe 8 korrik 2020.
Paç suksese në edicionin e ri Arlis
Lexo gjithashtu
