Nismës solidarizuese për të prekurit e tragjedisë së 26 nëntorit i janë bashkuar shumë klube në mbarë Europën. Ditën e djeshme, në ndeshjen e barazuar ndaj Numancia, ekipi Malag ku aktivizohen dy shqiptarët Sadiku dhe Bare ka dalë në fushë me fanellat “Lutu për Shqipërinë”. Ky gjest i klubit të tij nuk ka mbetur me kaq, teksa lushnjari Keidi Bare ka falenderuar me mirënjohje ekipin e tij.
“Falenderimi për gjestin fisnik i takon klubit të Malagas dhe sigurisht shokëve të skuadrës që na mbështetën në këto ditë të vështira për Shqipërinë. Zoti iu dhëntë forcë për të përballuar këtë tragjedi Shqiptarët e mij. Bashkë jemi më të fortë“, mbyll mesazhin e tij lojtari i Kombëtares.
