Derbi i Italisë midis Inter dhe Juventus prodhoi jo pak polemika. Corriere dello sport ka listuar të gjitha gabimet e arbitrit Orsato, i cili nuk ishte në lartësinë e kësaj ndeshjeje.
Fillimisht prish ekuilibrat e ndeshjes, duke ndëshkuar me karton të kuq Vecinon në minutën e 15, për një ndërhyrje ndaj Mandzukic, pas konsultimit me VAR. Midis lojtarëve ka pasur kontakt por duke parë dinamikën e aksionit dhe minutën, duhej të ishte kursyer.
Orsato nuk mendon kështu në ndërhyrjen e Barzaglit në fundit e pjesës së parë, i cili ndërhyn dhunshëm në kaviljen e Icardit. Arbitri i ndeshjes ka kyrsyer kartonat për bardhezinjtë, teksa moviola zbulon 2 gabime të tjera gjatë pjesës së parë. Mungojnë kartonat e verdhë për bërrylin e Alex Sandros ndaj Cancelos, si dhe faullin e Cuadrados ndaj Perisic.
Ndërsa gafa më e rëndë e ndeshjes është rasti i Pjanic ndaj Rafinhas në pjesën e dytë, ku kroati kërcen me këmbë e me duar sipër kundërshtarit. Në këtë rast arbitri nuk e ka ndëshkuar me kartonin e dytë të verdhë lojtarin e Juventus, i cili duhej të linte fushë e lojës pas asaj ndërhyrjeje. /NEWSPORT.AL/
Lexo gjithashtu
