Fierakët po punojnë më merkaton e verës për të plotësuar vendet e lëna bosh nga lojtarët e larguar, por ende nuk kanë asnjë konkretizim. Asnjë kontratë e nënshkruar përpos të larguarve. Lojtarë të ardhur në provë dhe që ikin shpejt pa lënë gjurmë, ndërsa të tjerë që kanë afro dy javë që qëndrojnë në ambientet e klubit dhe ende nuk kanë marrë përgjigje.
Numri sa vjen e shtohet, ndërsa të hënën fierakëve pritet që t'iu bashkohen dhe të tjerë futbollistë në stërvitje. Një serb, një kosovar dhe një maqedonas që luajnë në mesfushë dhe sulm do të vihen nën urdhrat e trajnerit Elidon Demiraj. Ndërsa aktualisht ndodhen dy ganezë, një brazilian, një malazez dhe një maqedonas në provë.
Kështu, flamuj të kombeve të ndryshëm janë "ngritur" tashmë në Fier, por Apolonia duhet të mbajë një numër të ulët, sepse në Kategorinë e Parë të drejtën e aktivizimit e kanë vetëm 3 lojtarë të huaj.
Lexo gjithashtu
