Është mbyllur dje java e 16-të me disa rezultate surprizë. Kukësi është barazuar me Skënderbeun në kreun e tabelës së klasifikimit ndërkohë që në pjesën e poshtme të tabelës vijon të zhvillohet një luftë e fortë për mbijetesë. Newsport.al ka përzgjedhur më të mirët e javës, formacionin fitues dhe një rreshtim për ta.
Në portë meriton padiskutim një vënd titullari portieri i Korabit Miroslav Vujadinoviç. Dje ka qenë i pakalueshëm në 45 minutat e dyta të ndeshjes duke i mohuar Kukësit fitoren.
Në mbrojtje Sheta dhe Bojom ishin dy më të mirët e javës për Korabin dhe Luftëtarin. Në krahun e djathtë Asjon Daja bëri minuta fantastike përballë Latifit të Skënderbeut për aq kohë sa Josa e la në këtë rol pas dëmtimit të Kërçikut. Mici në krahun tjetër ishte i pakalueshëm në të majtë dhe shërbeu në shumë raste për sulmin me daljet e tij.
Në mesfushë Bregu nga njëri krah e Latifi nga krahu tjetër kanë zhvilluar një 90-minutësh fantastik dhe kanë realizuar nga një gol secili. Talenti vlonjat i ka dhënë tre pikë të çmuara skuadrës së tij në Gjirokastër ndërsa Latifi shënoi golin e qetësisë në portën e Tiranës.
Në sulm Salihi dhe Bruno Alvesh meritojnë padyshim një vënd në formacionin më të mirë. Shënuan të dy gola të rëndësishëm dhe zhvilluan një ndeshje shumë të mirë.
Në rolin e trajnerit për skuadrës fituese të javës është italiani Andrea Agostineli. Të mundësh Tiranën nuk është asnjëherë e thjeshtë. Trajneri i Skënderbeut e bëri këtë pa shumë vështirësi.
Formacioni më i mirë i javës së 16-të
Vujadinoviç
Daja Sheta Bojom Mici
Bregu Trashi Telushi Latifi
Alvesh Salihi
Trajner: Andrea Agostineli