Pas eliminimit të Shqipërisë nga Europiani, kapiteni Lorik Cana ka deklaruar se do të tërhiqet nga kuqezinjtë. Por, të gjithë jemi kurioz se kur dhe në çfarë ndeshje do të lërë fanellën e Kombëtares futbollisti që ka luajtur në 93 takime që nga 2003 deri më sot me ekipin kuqezi dhe që ka shënuar 1 gol.
[caption id="attachment_5486" align="alignleft" width="300"]
Stadiumi "Loro Boriçi"[/caption]
Do të jetë ngjare që duhet të kujtohet, ndaj është zgjedhur dita e inagurimit të stadiumit "Loro Boriçi" të Shkodrës data që Cana do të lërë futbollin me kuqezinjtë. Ndërsa ndeshja që është planifikuar që të luhet në të është ajo kundër Kosovës. Pra, takimi i menduar si ndeshje miqësorë, Shqipëri - Kosovë, do të zhvillohet përpara pjesëmarrjes në eliminatoret e Botërorit "Rusi 2018" ku marrin pjesë Shqipëria dhe Kosova. Do të jetë një ndeshje vëllazërore, ndërsa do të bëhet edhe ceremonia për kapitenin. Mendohet se ndeshja do të luhet në muajin gusht, sepse në shtator do të nisin takimet zyrtare.
Ky do të jetë dhe nderimi më i madh që do t'i bëjë FSHF-ja kapitenit kuqezi. Ndërsa do të nisë pa të ndeshjet e shtatorit për Botërorin. 32-vjeçari ka lindur në Prishtinë dhe kjo do të jetë mbyllja më e mirë e karrierës së tij me Kombëtaren, duke qenë se do të ketë në fushë dy skuadrat e zemrës së tij.
Lexo gjithashtu
